Експертите дебатираа дали треба да се укине екстерното оценување на учениците од четврто одделение до четврта година.
За подносителот на иницијативата спорно е што учениците два пати ќе бидат оценувани, и затоа што екстерното оценување ќе се спроведува надвор од училиштата.
„Немало логика откако на ученикот ќе му биде утврден општиот успех, некој друг орган, надвор од училиштето, кое е надлежно за утврдување за успехот на ученикот, повторно да врши екстерно проверување на постигнатиот успех на учениците“, рече Лилјана Ингилизива Ристова, Уставен суд.
Во одбрана на екстерното оценување, МОН и Бирото за развој на образованието. За нив вака ќе се добиела вистинската слика за знаењето на учениците, а уште повеќе за тоа дали наставниците се објективни при оценувањето. Велат Образование само го подготвува, а училиштата го спроведуваат екстерното оценување.
„Министерството за образование само ја утврдува разликата на оценката утврдена од наставникот за успехот на ученикот по одреден предмет, и на тој начин МОН преку екстерното тестирање ќе ја утврди разликата помеѓу таа оценка, со тоа што ќе ја спореди со оценката добиена на екстерното тестирање“, вели Елена Ивановска, МОН.
За дел од професорите повикани на седницата, екстерно оценување не треба да има затоа што е преурането и спротивни на Уставот.
Учениците треба да ги оценува наставникот кој цела година го следи нивниот успех. Екстерно оценување би требало да има, но за да се подигне квалитетот на образованието.
„Тоа екстерно оценување не треба да биде баук, да плаши наставници и ученици, туку треба да им помогне. Драги колеги, на нашите наставници и ученици не им требаат казни, им треба поддршка“, изјави Зоран Велковски, универзитетски професор.
Екстерното оценување треба да се спроведе на крајот од годината. На учениците кои на екстерните тестови ќе добијат две оценки пониски од онаа која им ја ставил наставникот, ќе им се намали крајната оценка.
Наставниците пак, чии ученици ќе покажат послаби резултати ќе бидат казнети со намалување на платата, а можат да заработат дури и отказ.
Home 
